चिंचवड (पुणे) : ‘वर्ल्ड हेरिटेज’ चा दर्जा प्राप्त असलेल्या कला व स्थापत्यशास्त्राचा अपूर्व संगम असलेल्या कर्नाटकातील ‘हंपी’ चे विलोभनीय दर्शन छायाचित्रांमधून घेण्याची संधी रसिकांना उपलब्ध झाली आहे. छायाचित्रकार देवदत्त कशाळीकर यांनी 'हंपी' येथे टिपलेल्या दुर्मिळ छायाचित्रांचे प्रदर्शन १५ ते २० ऑगस्ट दरम्यान चिंचवड येथे पु . ना. गाडगीळ अँड सन्स या सुवर्णपेढीमधील कलादालनामध्ये भरवण्यात येत आहे. यात ८० पेक्षा जास्त मोठया आकारातील छायाचित्र पहावयास मिळणार आहेत.
ख्यातनाम चित्रकार रवी परांजपे यांच्या हस्ते या प्रदर्शनाचे उदघाटन १५ ऑगस्ट रोजी सकाळी ११ वाजता होणार आहे. हे प्रदर्शन सकाळी ११ ते सायंकाळी ८ पर्यंत सर्वांसाठी विनामुल्य खुले राहील.
सन १३३६ ते १५६५ या सव्वादोनशे वर्षांच्या कालावधीमध्ये वैभवशाली असलेले विजयनगरचे साम्राज्य राक्षसतागडीच्या लढाईत पूर्णपणे नेस्तनाबूत झाले . अगणित संपत्तीची ६ महिने लूट झाली. आताचे कर्नाटकातील ‘हंपी’ म्हणजे मध्ययुगीन भारतातील विजयनगर साम्राज्याची राजधानी . कला व स्थापत्य शात्राचा अपूर्व संगम , या भग्ननगरीला १९८६ मध्ये ‘युनेस्को’ ने ‘वर्ल्ड हेरिटेज’ चा दर्जा दिला. याच विस्मयचकित करणाऱ्या ‘हंपी’ चे छायाचित्रण करून भारताच्या इतिहासातला एक समृद्ध प्रदेश पाहण्याची संधी चिंचवड मध्ये उपलब्ध झाली आहे .
संपर्क :
देवदत्त कशाळीकर
९९२२५ ०१४०२
९८५०६० ०६२५
www.devdattaphotography.comप्रदर्शनाविषयी दिवस : १५ ते २० ऑगस्ट
वेळ : सकाळी १० ते रात्री ८
स्थळ : पु . ना. गाडगीळ अँड सन्स दालन
फेसबुक -